All posts by Valdimar Ingi Gunnarsson

Nú er auglýst eftir viðbrögðum

Málið varðar athugasemdir við lög um fiskeldi sem samþykkt voru í vor. Gerðar voru alvarlegar athugasemdir við vinnubrögð starfshóps sjávarútvegs- og landbúnaðarráðherra um stefnumótun í fiskeldi sem fiskeldisfrumvarpið byggir á. Jafnframt voru gerðar athugasemdir við svokallað „Áhættumat erfðablöndunar“, sem starfshópurinn byggði niðurstöður sínar að hluta til á.

  1. Þann 29. mars 2019 sendi undirritaður umsögn vegna frumvarps til laga um breytingar á ýmsum lagaákvæðum sem tengjast fiskeldi.
  2. Þann 20. maí 2019 sendi undirritaður tölvupóst til stjórnskipunar- og eftirlitsnefnd Alþingis og allir alþingismenn fengu afrit.
  3. Þann 30. maí 2019 var send beiðni til Umboðsmann Alþingis og óskað eftir opinberri úttekt vegna þeirra alvarlegu annmarka á vinnubrögðum starfshóps um stefnumótun í fiskeldi.
  4. Þann 11. júní 2019 var sendur póstur til fjölmiðla og þar sem þeir voru hvattir til að kynna sér málið vel og jafnframt að viðhafa faglega og góða rannsóknablaðamennsku við umfjöllun sína um þetta mál.
  5. Beiðni um opinbera úttekt hefur verið ítrekuð nokkrum sinnum við stjórnskipunar- og eftirlitsnefnd.
  6. Þann 17. október 2019 var byrjað að auglýsa í fjölmiðlum eftir viðbrögðum varðandi beiðni um opinbera úttekt.

Lesa meira

Athugasemdir við fiskeldisfrumvarpið, stefnumótunarskýrsluna og áhættumatið

Sendar hafa verið inn athugasemdir við fiskeldisfrumvarpið sem nú er til meðferðar á Alþingi og gert margar alvarlegar athugasemdir. Ef frumvarpið verður samþykkt óbreytt munu Íslendingar standa að baki nágrannalöndum í umhverfismálum laxeldis er varðar erfðablöndun, laxalús, heilbrigðismál og lífrænt álag. Það er því full ástæða til að staldra við, láta fara fram faglega vinnu með aðstoð og ráðgjöf erlendra sérfræðinga frá löndum sem standa fremst í umhverfismálum laxeldis.

Gerðar eru alvarlegar athugasemdir við vinnubrögð starfshóps sjávarútvegs- og landbúnaðarráðherra um stefnumótun í fiskeldi sem fiskeldisfrumvarpið byggir á. Jafnframt hafa verið gerðar athugasemdir við svokallað „Áhættumat erfðablöndunar“, sem starfshópurinn byggði niðurstöður sínar að hluta til á.

Ársskýrsla dýralæknis fisksjúkdóma

Alls var slátrað 19.077 tonnum af eldisfiski á liðnu ári og dróst heildarframleiðsla saman um tæp 9% á milli ára. Þar vó þyngst kröftugur samdráttur í eldi regnbogasilungs sem fór úr 4.628 tonnum og niður í 295 tonn og má segja að hann sé kominn niður í þær tölur sem algengar voru fyrir nokkrum árum síðan. Framleiðsla á laxi jókst um rúm 2.000
tonn, eða tæp 20%. Þrátt fyrir samdrátt hjá Arnarlaxi vegur upp að tveir nýir framleiðendur hófu slátrun á Austfjörðum á liðnu ári og árið 2019 hefst slátrun hjá nýjum aðila á Vestfjörðum. Þá varð einnig rúm 10% auknin í slátrun á bleikju, en eldi þorsks og senegalflúru stendur í stað.

Skýrsluna er hægt að sækja HÉR

Dagskrá Standbúnaðar 2019

Dagskrá Strandbúnaðar 2019
Á ráðstefnunni verða 10 málstofur, um 60 erindi og jafnframt er gert ráð fyrir þörunganámskeiði sem verða kynnt síðar.

Hægt að sækja dagskrá HÉR

Keypt erindi
Eins og á síðasta ári eru tvær málstofur með keyptum erindum þar sem styrktaraðilar Strandbúnaðar 2019 kynna sína starfsemi, búnað og þjónustu. Ennþá er hægt að bæta fleirum við með keypt erindi.  

Tungumálið íslenska og enska
Síðasta málstofan á ráðstefnunni, Salmon Farming in the North Atlantic, verður á ensku.  Í öðrum málstofum á Strandbúnaði 2019 verður tungumálið íslenska utan örfárra erinda sem verða á ensku.

Færeyingar
Við getum margt lært af nágrönnum okkar í Færeyjum í laxeldi á landi og sjó. Að þessu sinni eru tveir Færeyingar sem eru með erindi á Strandbúnaði 2019. 

Veggspjöld
Sú nýjung er að nú er boðið upp á að vera með veggspjöld, kynna rannsóknaniðurstöður, þjónustu o.s.frv. en nánari upplýsingar er að finna HÉR. Nemendur geta fengið að vera með veggspjald án gjalds en þurfa að greiða ráðstefnugjald. 

Skráning
Skráning hefst um miðjan febrúar.