Vatnsfræði

Auðlindin og tækifærin

Hreinn sjór í íslenskum fjörðum er auðlind sem skapar tækifæri til sjókvíaeldis ýmissa fisktegunda, til skeldýraræktar og þörungaræktar. Jafnframt með dælingu á land nýtist sjórinn til eldis fjölmargra lagareldistegunda.

Á Íslandi er mikið magn af hreinu lindavatni. Heita vatnið sem mikið er til af á Íslandi skapar möguleika á að halda kjörhita á öllum lagareldislífverum og þannig hámarka vöxt og velferð.

Meðhöndlun

Það er helst vatnið og sjórinn sem gerir það mögulegt að byggja upp umfangsmikið lagareldi á Íslandi.

Á Íslandi er lindavatnið hreint og þarf ekki eins mikla meðhöndlun eins og erlendis. Það er loftað fyrir notkun sérstaklega þegar það er hitað upp og jafnvel hreinu súrefni dælt í það. Vatnið og sjórinn er loftaður með að dæla lofti í vatnið eða brjóta það niður í litla dropa sem loftið umlykur.

Endurnotkun

Með aukinni þekkingu á hreinsun vatns hefur endurnotkun hér á landi aukist. Fram að þessu hefur verið algengt að minnka vatnsnotkun með að dæla hreinu súrefni í vatnið. Nú er það að aukast að vatninu er hringrásað, endurnotað, jafnvel nokkrum sinnum áður en það fer út um frárennsli eldisstöðvarinnar. Við hverja hringrás er saur og fóðurleifar hreinsaðar úr vatninu, það loftað og jafnvel dælt hreinu súrefni og gerileyðing framkvæmd. Þróunin er einnig að notaðir eru svokallaðir lífhreinsar en í þeim er bakteríu sem fjarlægja ammoníak sem safnast upp í vatninu við endurnotkun. Ný seiðaeldisstöð Arctic smolt í Tálknafirði notar lífhreinsa enda vatnið notað mörgum sinnum áður en það fer út um frárennslið.

Lesefni