Menntun

Hólaskóli

Námsframboð við fiskeldis- og fiskalíffræðideild Háskólans á Hólum er fyrst og fremst tvíþætt. Annars vegar eins árs diplómunám í fiskeldisfræði og hins vegar rannsóknatengt meistaranám í sjávar- og vatnalíffræði.

Kennslu- og rannsóknaaðstaða deildarinnar er í Verinu á Sauðárkróki.

Fisktækniskóli Íslands

Fisktækniskóli Íslands býður upp á fjölbreytt nám í sjávarútvegi á framhaldsskólastigi. Námið er hagnýtt tveggja ára nám sem er byggt upp sem önnur hver önn í skóla og hin á vinnustað. Nemendur geta valið sér námsleiðir í sjómennsku, fiskvinnslu og fiskeldi. Verkefni og vinnustaðir eru valdir með hliðsjón af áhuga hvers og eins.
Fiskeldislína: Nemendur sérhæfa sig til almennra starfa í fiskeldi eða búa sig undir frekara nám hérlendis eða við samstarfsskóla okkar m.a., í Noregi.

Menntanet sjávarútvegsins er vefsvæði sem gefur yfirlit yfir aðgengilegt fræðslu- og kynningarefni, námsleiðir og gagnlegar vefsíður innan sjávarútvegsins. Markmið Menntanetsins er að auðvelda námsmönnum, kennurum, fræðimönnum og þeim sem starfa í sjávarútvegi að nálgast vandað efni sem tengist greininni.Þó að markhópur menntanetsins sé sjávarútvegurinn er að finna margt áhugavert efni fyrir fiskeldi.

Fræðslu- og kynningarefni fyrir lagareldi

Það er ekki til mikið fræðslu- og kynningarefni fyrir íslenskt lagareldi á íslensku. Á flesum undirsíðum vefsinsins Lagareldi.is er bent á lesefni. Það er ekki í öllum tilvikum sérstaklega hentugt sem fræðslu- og kynningarefni. Landsamband fiskeldisstöðva hefur gefið út kynningarefni sem tekur á ákveðnum málum og er það að finna á vef félagsins undir liðnum Stefnuskjöl.