Framleiðsla

Bleikjuvinnsla hjá Íslandsbleikju

Framleiðsla á síðustu öld

Um miðjan níunda áratuginn jókst áhugi fyrir fiskeldi og byggðar voru fjöldi fiskeldisstöðva á seinni hluta hans. Samfara því átti sér stað mikil framleiðsluaukning og fór framleiðslan úr um 150 tonnum árið 1985 upp í um 3.000 tonn á árinu 1990 (sjá mynd að neðan). Á þessum árum byggðist framleiðslan einkum á laxi og regnbogasilungi. Á tíunda áratug síðustu aldar ríkti stöðnun í greininni og flest árin var heildarframleiðslan á bilinu 3.000- 4.000 tonn. Sú grein fiskeldis sem var í mestum vexti var eldi á bleikju og fór framleiðslan úr um 70 tonnum árið 1990 upp í um 900 tonn á árinu 1999.

Framleiðsla á 21 öld

Áhugi fyrir fiskeldi jókst mikið í byrjun aldarinnar og leiddu stóru sjávarútvegsfyrirtækin þróunina. Á árinu 2006 fór framleiðslan í um 10.000 tonn sem er mesta framleiðsla í íslensku fiskeldi á einu ári. Þar af komu tæp 7.000 tonn úr laxeldi en eftir að það lagðist framleiðsla á laxi því sem næst af á tímabili.Eftir 2010 hfur framleiðsla á eldislaxi aukist mikið og var hún komin upp í um 8.400 tonn árið 2016.

Síðustu tíu árin hefur framleiðsla úr bleikjueldi verið uppistaðan. Í upphafi þessa áratugar jókst áhugi aftur fyrir laxeldi og er gert ráð fyrir að aukningin í íslensku fiskeldi á næstu árum komi að mestu frá aukinni framleiðslu á eldislaxi.